Wat is Landbouwetenskap?

Lanbouwetenskappe is ‘n studie van die verwantskap tussen grond, plante en diere in die produksie en prosessering van voedsel, vesel, brandstof en ander landboukommoditeite wat ‘n ekonomiese, estetiese en kulturele waarde het.

Die lys hieronder dui die hoofonderwerpe in die Lanbouwetenskappe-kurrikulum aan.

• Grondkunde
• Plantestudies
• Dierestudies
• Landbou-ekonomie
• Basiese Landbouchemie
• Basiese Genetika en Biologiese Konsepte
• Landbou-ekologie

In Lanbouwetenskappe sal leerders:

• ‘n Bewustheid van die bestuur en versorging van die omgewing, natuurlike hulpbronne en die menslike behandeling van diere ontwikkel deur die toepassing van wetenskap en verwante tegnologie
• meganismes vir probleemoplossing binne die konteks van landbouproduksie-, Landbou-ekonomielandbouverwerkings- en landboubemarkingpraktyke ontwikkel
• bewus word van die maatskaplike en ekonomiese ontwikkeling van die samelewing as geheel deur persoonlike ontwikkeling in kommersiële- en bestaansboerderyondernemings
• ingeligte en verantwoordelike burgers in die vervaardiging van landbouprodukte word, wat vir die omgewing omgee en kwessies van sosiale geregtigheid aanspreek
• bewus word van inheemse landboukennis en -praktyke deur Landbouwetenskappe binne historiese en sosiale kontekste te verstaan.

Vakkombinasies wanneer Landbouwetenskappe as ‘n vak aangebied word

Dit word sterk aanbeveel dat Landbouwetenskappe met Wiskunde, Fisiese Wetenskappe en/of Lewenswetenskappe gekombineer word.

Skakels met ander vakke

Landbouwetenskappe is ‘n geïntegreerde wetenskap.  Dit kombineer kennis en vaardighede van Fisiese Wetenskappe, Lewenswetenskappe, Sosiale Wetenskappe, Aardwetenskappe, Ingenieurswese, Wiskunde en Ekonomie.  Hierdie vak moet gesien word binne die holistiese wetenskap raamwerk eerder as ‘n geïsoleerde wetenskap.

LANDBOUBESTUURSPRAKTYKE

Landboubestuurspraktyke is die studie en toepassing van produksie ekonomiese en bestuursbeginsels wat in die verbouing, transformasie en bemarking van voedsel en ander landbouprodukte gebruik word. Hierdie beginsels word gebruik om waarde tot landbouprodukte van hoë gehalte te voeg.

Die vak is ontwikkel om jou ’n gesonde praktykgerigte grondslag te bied wat die teoretiese en praktiese komponente integreer.

Oorsig van kennis

• Bestuursvaardighede: is die kennis en vaardighede wat nodig is om produksiefaktore te beplan, organiseer, lei, beheer en evalueer ten einde volhoubare produksieondernemings te verseker;
• Entrepreneursvaardighede: is die vermoë om risiko’s te bestuur en produksiefaktore kreatief te kombineer ten einde voortreflike goedere en dienste te produseer;
• Bedryfsvaardighede: behels die daaglikse bestuur van gewas- en diere-ondernemings;
• Bemarkingsvaardighede: is die aktiwiteite in die landbouvoorsieningsketting wat waarde toevoeg en met verskeie landbouproduksielyne verband hou, insluitend aktiwiteite wat ná die oes plaasvind, soos berging, verwerking, voedselveiligheid, produkverpakking en verspreiding na verbruikers in plaaslike en wêreldmarkte; en
• Navorsingsvaardighede: sluit aspekte van probleemidentifisering, die stel van mikpunte, datainsameling, -analise, -evaluering en verslagskrywing in.

Belangrike onderwerpe wat in Graad 10 -12 behandel word is:

1. Gewasproduksie en Gewasbestuur
2. Grond– en Water-besproeing Bestuur
3. Produksie en Gehaltebeheer
4. Diereproduksie en Aspekte van Dierebestuur
5. Plaasbeplanning en Rekordhouding
6. Waardetoevoeging, Prosessering en Produsenteorganisasies
7. Agri-toerisme, Besigheidsbeplanning en Entrepreneurskap

Gedurende die jaar sal jy verskillende formele asseseringstake voltooi. Alle assesseringstake is baie belangrik en jy moet dit na die beste van jou vermoë voltooi om ’n goeie SGA-punt te verseker.

Die volgende formele asseseringstake is verpligtend:

• PAT
• Twee praktiese take
• Een kontroletoets
• Halfjaarlikse eksamen