Elke kind is kosbaar en daarom bied ons ook verskeie kultuur aktiwiteite.
Ons leerders neem jaarliks deel aan verskeie ATKV kompetisies. Redenaars en debat leerders vaar uitstekend en het al telke male aan die landswye rondtes deelgeneem.
Dans, Drama en musiek word as buiteskool aktiwiteit aangebied. Leerders ontvang erkenning vir hulle prestasies by die skool.
Die Piet Geyer Voortrekkers is ‘n aktiewe kommando en verskeie leerders verwerf penkop/ drawwertjie of presidentverkenner toekennings.
Ons hoofdoel is om jongmense aan die genot van die buitelewe bekend te stel. Ons wil graag hê die kinders en ons moet die natuur beleef met al hulle sintuie en lief raak vir die natuur en buitelewe.
Die groenklub wil graan gesinne betrek, sodat die ouers die kinders kan vergesel, so dan kan die kleiner boeties en sussies ook saamgaan. Enige entoesiasitiese natuur liefhebber is welkom om ons uitstappies mee te maak.
Leerlinge woon verskeie kampe by en verwerf sertifikate(kentekens) in die volgende:
Jnr Noodhulp en Veldkook
Handwerk en Jnr Paraartheid
Godsdiens en Boeresport
Anglo- Boere-oorlog
Afrikanerkind
Dans
20 Leerlinge voltooi hul Dans eksamen van die “Royal Academy of Dance”
8 Leerlinge slaag met lof.
SA Drama Kollege
Agt leerlinge voltooi einde 2019 hul Drama Kollege eksamen en al agt leerlinge behaal ‘n gemiddeld van 80% plus.
Uitvoerende Kunste
Luné Pretorius kwalifiseer vir die Nasionale kampioenskappe 2020.
Musiek
Quiriané Charilaou slaag die Unisa praktiese eksamen Graad 5 met lof. Haar naam verskyn op die Ererol van Unisa.
Quiriané slaag ook die Unisa teorie eksamen Graad 4 met lof, sy behaal 97% en vir hierdie prag prestasie verskyn haar naam weer op die ererol Unisa.
