Akademie

By hoërskool Reitz is Akademie top prioriteit. Daarvan getuig ons jaarlikse uitstekende matriek uitslae.

Reitz spog vir die 24ste AGTEREENVOLGENDE jaar met ‘n 100% matriekslaagsyfer.

  • 75% Bachelors pass
  • 20 A’s
  • 32 B’s
  • 55 C’s

Ons onderwysers is van die beste in die Vrystaat en stap die ekstra myl vir elke leerder.

Personeel Prestasies

Mnr. Uys Le Roux: Organiseerder VKB-Rugbyweek, Organiseerder ITEC-Rugby toer na Ierland

Me. Ria Barnard: Matrieks – RTT nr. 1 in Vrystaat, 1ste in Thabo Mofutsanyana Distrik.

Me. Riana Terblanche: Matrieks – Eksaminator en Senior Nasiener SACAL, Gasvryheidstudies Gr. 12.  1ste in die Vrystaat en 1ste in Thabo Mofutsanyana Distrik

Me. Adri van Deventer: Afrigter van B-liga wenners (0/14 en 0/15) in Thabo Mofutsanyana Distrik

Me. Jolene van Niekerk: Tennis Laerskool Oos-Vrystaat Voorsitter

Mnr. Niël Neethling: Griffons 0/18 A-Liga 7’s Keurder; VKB Rugby Week 0/18 Living Ball 15’s en 7’s Afrigter; ITEC Sa Platteland toer na Italië 0/18 Agterlyn Afrigter; Griffons 0/14 Platteland Keurder

Die volgende personeel was deel van die Reitz Senior Netbal liga-wenners:
Dené Muller, Corli Swart, Amelia Zitzke en Adri van Deventer (afrigter)

Personeel 2020

Skole Kook

Skole kook Via kanaal 147

Skole kook is ‘n nasionale kompetisie vir Verbruikerstudie en Gasvryheidstudie leerders.

Skole uitdunne is gehou gedurende 2018 en 2019 waaraan Reitz se leerders met groot sukses en trots deelgeneem het.

Ons het deelgeneem teen makro-skole van regoor Suid-Afrika. Alle rondtes word opgeneem en op televisie uitgesaai.

2018 – Deelnemers: Lumé Starke, Bianca Opperman, Deané Bosman en Jahnél Scheepers moet kook met Varkvleis en droëvrugte. Hoërskool Reitz se Jahnél Scheepers en Deané Bosman vorder tot by die Vrystaat finale waar ons ‘n gereg met Chouxpasta moes voorberei. Ons het baie geleer, en met trots deelgeneem, waar ‘n Paris Breast ring met roomkaas, biltong en vye voorgesit is.

2019 – Die formaat van die kompetisie word effens aangepas. Tydens die skool uitdunne neem Christelle Cilliers, Linné Liebenberg, Elspeth Scheepers en Liza-Lee Jordaan deel. Ons moet geregte met wildsvleis en beet voorberei. Hoërskool Reitz se span van Liza-Lee Jordaan en Elspeth Scheepers beklee vir die hele kompetisie die 2de plek op die punteleer naas Hoërskool Hugenote, Wellington. Ons stof skole van regoor SA uit met keurige en mooi geregte. Ons neem deel aan die landswye semi-finale te Institute of Culinary Arts in Stellenbosch waar ons deurgaan na die landswye finaal. Die finaal bestaan uit ‘n uitkenningstoets en ‘n kooksessie, waar ons met Forel, Steenkoolbeskuitjies en Sampfire(see aspersies) moes kook. Vir plattelandse sjefs van die Vrystaat was dit voorwaar ‘n taai toffie. Hier behaal Hoërskool Reitz se Elspeth Scheepers en Liza-Lee Jordaan ‘n derde plek in SA. Kreatiewe geregte uit die boonste rakke is voorgesit. Ons is voorwaar trots op ons twee sjefs van Hoërskool Reitz.

Sodra ons weer die kans kry sal Hoërskool Reitz definitief weer inskryf vir Skole Kook. As gevolg van Covid19 het Skole Kook nie plaasgevind in 2020 nie.

Meer Prestasies

“South African Mathematics Olympiad”

Hoërskool Reitz word aangewys as een van die Top 10- SKOLE in die Vrystaat met die Wiskunde Olimpiade.

Zanell Dorfling behaal 2de plek in die Vrystaat tydens die Beeld Wiskunde Olimpiade.

Poort skryfkompetisie 2020

Die volgende skryfstukke word in Poort 2020 opgeneem

Poësie

Luné Pretorius -“ As ek n ruimte vaarder was”

Prosa

Luné Pretorius- “Die beste van Villiers”

Anica Wapenaar-“ Afrikaans op die tong proe na meer.”

Boek geskryf deur Christelle Cilliers “Age doesn’t matter”

Sy publiseer ‘n boek van 13 hoofstukke met die naam “Age Doesn’t Matter.”  Die boek is genomineer vir n Watty’s award in die action romance genre.

Blitsbrein

Aluschka Heymans is onder die Top 60 finaliste in die Vrystaat en dring deur na die finaal.

Wow-Spelathon

Sewe leerlinge neem aan die Vrystaat kompetisie deel.

Johanné Neethling dring deur na die Nasionale Kompetisie in Stellenbosch.

Eskom Expo vir Jong Wetenskaplikes-(2019)

4 Leerlinge neem deel aan die Nasionale ISF kompetisie.

Guillaume Taljaardt ontvang die uitstallers toekenning vir “Beste projek” en ‘n goue medalje. Carla Fivaz ontvang ‘n silwer medalje en Dané Dorfling ontvang ‘n brons medalje.

Luan Strauss ontvang die volgende toekennings:

  • Trofee vir die algehele wenner in die kategorie – Landbouwetenskappe.
  • Goue medalje vir sy projek “The red secret”.
  • Tegnologie en Besigheidskoopbewys ter waarde van R200 000,00 vanaf Technology and innovation om sy eie besigheid te begin.
  • Genomineer vir Internasionale onderhoud.